Аzərbaycan, Bakı, 1 iyun /Trend, müxbir S.Ağayeva/
Azərbaycanın Belçika Krallığındakı səfirliyi və NATO yanında missiyası tərəfindən 28 May - Respublika Günü münasibətilə təntənəli bayram tədbiri təşkil olunub.
Tədbirdə Azərbaycanın əməkdar artisti Xanlar Bəşirov və Həsənağa Sadıxovun rəhbərlik etdikləri "Azərbaycan qartalları" və "Mahirlər" ansamblı konsert proqramı ilə çıxış ediblər. "Yallı", "Zorxana", "Şəki", "Qazaxı", "Çobanlar" və digər milli rəqslər ifa olunub. Konsertdən sonra qonaqlara Azərbaycan mətbəxinin yeməkləri təqdim olunan rəsmi ziyafət təşkil edilib.
Tədbirdə rəsmi şəxslər və Belçika ictimaiyyətinin nümayəndələri, xarici dövlətlər və diplomatik korpusların səfirləri, Avropa İttifaqı institutunun nümayəndələri, həmçinin Belçikada yaşayan azərbaycanlılar iştirak ediblər.