Gürcüstan, Tbilisi, 22 iyun /Trend, müxbir N.Kirsxaliya/
Ozurgeti rayonunun Meriya ərazisində (Quriya regionu, Qərbi Gürcüstan) vertolyot qəzaya uğrayıb. Vertolyotun qəzaya uğraması zamanı xəsarət alan olmayıb. Bu barədə Trend-ə Gürcüstan Daxili İşlər Nazirliyinin fövqəladə hallar xidmətindən bildiriblər.
Vertolyot əkin sahələri üzərində kimyəvi dərmanlar səpməklə məşğul olub. Vertolyotda yalnız pilot olub ki, o da sağ qalıb.
Hadisə yerinə mütəxəssislərlə qəzanın başvermə səbəblərini aydınlaşdıran DİN əməkdaşları baş çəkib.