Azərbaycan, Bakı, 26 iyun /Trend, müxbir M. Əliyev/
Azərbaycan iqtidarının siyasi kursunu dəstəkləyən "Vəhdət" partiyası hakim Yeni Azərbaycan Partiyası ilə namizədlərin eyni dairədən irəli sürülməməsi və birgə dəstəklənməsi ilə bağlı qeyri-rəsmi danışıqlar aparır. Bu barədə Trend-ə "Vəhdət" partiyasının sədri Tahir Kərimli bildirib.
Trend-in arayışı: Azərbaycanda Parlament seçkilərinin 2010-cu ilin payızında keçiriləcəyi gözlənilir. Bundanəvvəlki seçkilər 2005-ci ilin noyabr ayında keçirilib. Azərbaycanda Parlament seçkiləri majoritar sistem üzrə 125 seçki dairəsində keçirilir.
"Vəhdət" partiyası prezidentin strategiyasını müdafiə edən partiya kimi namizədlərinin seçilməsində YAP-ın dəstəyini ala bilər", - Kərimli bildirib.
Onun sözlərinə görə, rəhbərlik etdiyi partiya da öz növbəsində YAP-ın namizədlərini başqa dairələrdə müdafiə etməyə hazırdır.
Аzərbаycаn Аli Məhkəməsinin kеçmiş sədri, sаbiq millət vəkili Tаhir Кərimlinin rəhbərlik еtdiyi "Vəhdət" pаrtiyаsı 2006-cı ilə qədər müхаlifət mövqеyində оlub. Pаrtiyа hаzırdа iqtidаrın siyаsi kursunu dəstəkləyir.