Azərbaycan, Bakı, 6 iyul /Trend, müxbir S.Ağayeva/
Azərbaycanın xarici işlər nazirinin müavini Xələf Xələfov xanım Mariko Petersin başçılıq etdiyi Niderland Krallığı parlamentinin nümayəndə heyətini qəbul edib. Məlumatı çərşənbə axşamı nazirliyin mətbuat xidməti yayıb.
Görüş zamanı tərəflər regiondakı vəziyyət, Ermənistan-Azərbaycan, Dağlıq Qarabağ münaqişəsi və onun nizamlanma prosesinin hazırkı durumu, regionda gerçəkləşdirilən layihələr və digər qarşılıqlı maraq doğuran məsələləri müzakirə ediblər.