Azərbaycan, Bakı, 12 iyul /Trend, müxbir S.Süleymanov/
Dünən Osloda başa çatan Avropada Təhlükəsizlik və Əməkdaşlıq Təşkilatı Parlament Assambleyasının 19-cu illik sessiyası 2010-cu ildə ATƏT sammitinin keçirilməsi haqda qətnamə qəbul edib. Bu barədə Qazaxıstan Senatının mətbuat xidməti məlumat verib.
Qazaxıstan Parlamenti nümayəndə heyətinin təşəbbüsü ilə irəli sürülən sammitin çağırılmasının zəruriliyi haqda məsələ ilə bağlı qətnaməyə düzəlişlərlə bağlı qızğın müzakirələrin yekunları üzrə səslərin əksəriyyəti tərəfindən qətnamənin ayrı-ayrı bəndlərinin aşağıdakı redaksiyada ifadə olunması təklifi dəstəklənib:
"Parlament Assambleyası təşkilatın üzvü olan ölkələri 2010-cu ildə ATƏT-in bütün üç ölçüsünün xətti ilə Avropada və Asiyada təhlükəsizlik və əməkdaşlığın möhkəmləndirilməsinə mühüm töhfə olacaq və təşkilata XXI əsrdə Avropa və Avrasiya təhlükəsizliyi sahəsində müvafiq rol oynamağa imkan verəcək ATƏT sammitinin keçirilməsinə çağırır", - Qazaxıstan Senatının bu gün yaydığı məlumatda deyilir.
Bundan əlavə, cari ilin mayında Almatıda keçirilən "ATƏT-in Avrasiya ölçüləri" Transasiya Parlament forumunun gedişində səsləndirilən tövsiyələr nəzərə alınmaqla, assambleya Qırğızıstan və Əfqanıstandakı vəziyyətlə bağlı qətnamə qəbul edib.
ATƏT parlamentariləri təşkilatın Qırğısıztanda sabitliyin bərpası ilə bağlı atdığı addımlar çərçivəsində BMT, Avropa İttifaqı və Avropa Şurası ilə sıx əməkdaşlığı davam etdirməyə çağırıblar.