Azərbaycan, Bakı, 21 avqust /Trend, müxbir K.Zərbalıyeva/
Azərbaycan paytaxtında mənzilldən külli miqdarda pul və qızıl-zinət olan seyf oğurlayan şəxslər saxlanılıb.
Bakı Şəhər Baş Polis İdarəsindən (BPİ) şənbə günü Trend-ə verilən məlumata görə, iyulun 15-də T.Şıxəliyev küçəsində Yasər Hətəmovun mənzilindən pəncərənin barmaqlıqlarını sındırmaq yolu ilə mənzilə daxil olan şəxslər içərisində 37 min manat, 50 min rubl, qızıl-zinət əşyaları və sənədlər olan seyfi oğurlayıb.
Daxili İşlər Nazirliyinin Baş Cinayət Axtarış İdarəsi, BPİ-nin Cinayət Axtarış İdarəsi və Nərimanov Rayon Polis İdarəsinin 18-ci polis bölməsi əməkdaşlarının keçirdikləri əməliyyat tədbirləri nəticəsində, oğurluqda şübhəli bilinənlər - Məhəbbət Əliyev və əvvəllər məhkum olunmuş Habil Niftalıyev avqustun 20-də tutulublar.
Faktla bağlı başlanmış cinayət işinin istintaqı davam edir.