Аzərbaycan, Bakı, 30 avqust /Trend, müxbir R.Hufizoğlu/
Konstitusiyaya əlavə və dəyişikliklər üzrə sentaybrın 12-nə planlaşdırılmış növbəti referendum Türkiyənin demokratikləşdirilməsi yolunda mühüm addım olacaq. Türkiyənin müxalif Böyük Birlik Partiyasının sədri Yalçın Topçu belə hesab edir.
"Əvvəliklərdən fərqli olaraq bu referendum Türkiyənin demokratikləşdirilməsi prosesinə imkan yaradacaq", - Trend-ə Ankaradan telefon vasitəsilə Topçu bidirib.
Ümumi referendumda 1980-cı ildə hərbi çevrilişdən sonra qəbul olunmuş Türkiyənin əsas qanununa 29 əlavə və dəyişiklik ediləcək.
Əlavə və dəyişikliklər prezidentin səlahiyyət müddətininin uzadılması, prezidentliyə təkrar namizədliyin irəli sürülməsini nəzərdə tutur. Bu qaydalar ombudsmanın fəaliyyəti və siyasi partiyaların bağlanması prosesinin mürəkkəbləşməsinə də aiddir.
Düzəlişlər 2005-ci ildən etibarən Avropa İttifaqına tamhüquqlu üzv kimi daxil olmağa çalışan Türkiyənin gələcəkdə demokratikləşdirilməsinə istiqamətlənib.
Müxalifət partiyası rəhbərinin fikrincə, Türkiyə Konstitusiyasına edilən ötən düzəlişlərdən fərqli olaraq, növbəti referendum türk xalqının maraqlarını nəzərə alaraq ölkədə hərbi elitanın təsirini əhəmiyyətli dərəcədə azaldacaq.
"Sentyabrın 12-də keçiriləcək referendum öz nəticəsini verəcək və türk xalqının həyatında hərbi xuntanın mövcudluğunu aradan qaldıracaq", - Topçu deyib.
Türkiyə hökuməti Ədalət və İnkişaf Partiyasının rəhbərliyi ilə mövcud Konstitusiyanı ölkənin inkişafında maneə kimi görür. Keçmiş koalisiya hökumətlərinin Türkiyə Konstitusiyasının hərbi xuntanı müdafiə etdiyini bəyan etməsinə baxmayaraq, ölkənin əsas qanununa əlavə və dəyişikliklər üçün ciddi addımlar atılmayıb.
