Azərbaycan Prezidenti İlham Əliyev 2010-cu il iyulun 15-də Bakı şəhərində imzalanmış "Azərbaycan Respublikasının Xarici İşlər Nazirliyi və Portuqaliya Respublikasının Xarici İşlər Nazirliyi arasında siyasi məsləhətləşmələr haqqında Anlaşma Memorandumu"nun təsdiq edilməsi barədə sərəncam imzalayıb. Məlumatı şənbə günü AzərTAc Dövlət İnformasiya Agentliyi yayıb.
Xarici İşlər Nazirliyinə tapşırılıb ki, Memorandumun həyata keçirilməsini təmin etsin və Memorandumun qüvvəyə minməsi üçün zəruri olan dövlətdaxili prosedurların yerinə yetirilməsi barədə Portuqaliya Respublikası tərəfini xəbərdar etsin.