Azərbaycan, Bakı, 15 noyabr /Trend, müxbir T.Hacıyev/
Azərbaycan Mərkəzi Seçki Komissiyası bazar ertəsi keçirilən iclasında parlament seçkiləri ilə bağlı daxil olan müraciətlərə baxıb.
Trend-in məlumatına görə 5 müraciət tələb aydın olmadığından, üçündə isə qanunla müəyyən olunmuş şikayətvermə müddəti ötürüldüyündən onlar ərizəçilərin özlərinə geri qaytarılıb, biri aidiyyəti üzrə araşdırılması üçün müvafiq dairə seçki komissiyasına göndərilib, digərlərinin araşdırma müddətinin uzadılması barədə qərar qəbul edilib.
Azərbaycanda parlament seçkiləri noyabrın 7-də keçirilib. Səsvermədə seçicilərin 50,14 faizi (2480205 seçici) iştirak edib. Seçkilərdə 690 namizəd mandat almaq uğrunda mübarizə aparıb. Azərbaycanda parlament seçkiləri majoritar sistem üzrə 125 seçki dairəsində aparılıb. Bundan əvvəlki seçkilər 2005-ci ilin noyabr ayında keçirilib.