Azərbaycan, Bakı, 7 fevral /Trend, müxbir T.Hacıyev/
Azərbaycanın müxalif Böyük Quruluş Patiyasının (BQP) 8 yeni rayon təşkilatı yaradılıb. Bu barədə bazar ertəsi Trend-ə BQP-nin sədri Fazil Mustafa məlumat verib.
Onun sözlərinə görə, bazar günü partiyanın Ali Məclisinin iclası keçirilib və həmin 8 təşkilat qeydiyyata alınıb.
Ali Məclisin iclasında partiyanın 2011-ci il üçün fəaliyyət planı, müxtəlif qurumlarda təmsilçilik məsələləri də müzakirə olunub.
"Partiyanın "İslahat" blokundakı fəaliyyəti müsbət qiymətləndirilib", - Mustafa əlavə edib.
Millət vəkilinin sözlərinə görə, "İslahat" bloku tərəfindən hazırlanan Konstitusiyaya dəyişikliklər layihəsi bu yaxınlarda Milli Məclisə təqdim olunacaq.
Müxalifətyönlü BQP 2004-cü ildə yaradılıb, 2005-ci ildə dövlət qeydiyyatına alınıb. İdeologiyasının əsasında quruculuq (strukturalizm) dayanır. Siyasi sistemdə mövqeyi solçudur.
