Martın 5-də Azərbaycan Respublikasının Prezidenti İlham Əliyevin Rusiya Federasiyasına işgüzar səfəri başa çatıb. Bu barədə dövlət başçısının rəsmi saytı xəbər verib.
Azərbaycan dövlətinin başçısını Soçinin "Adler" Beynəlxalq aeroportunda şəhərin meri Anatoli Paxomov və digər rəsmi şəxslər yola salıblar.
Dövlətimizin başçısı həmin gün axşam Bakıya qayıdıb.
Azərbaycan Prezidentini Heydər Əliyev Beynəlxalq aeroportunda Baş nazir Artur Rasizadə, Prezident Administrasiyasının rəhbəri Ramiz Mehdiyev və Bakı Şəhər İcra Hakimiyyətinin başçısı Hacıbala Abutalıbov qarşılayıblar.