Azərbaycan, Bakı, 9 may /Trend, müxbir K.Zərbalıyeva/
Azərbaycanın müdafiə sənayesi naziri bu gün Türkiyəyə səfər edib.
Müdafiə Sənayesi Nazirliyindən (MSN) Trend-ə verilən məlumata görə, nazir Yavər Camalov Türkiyənin Milli Müdafiə Nazirliyinin təşkilatçılığı ilə keçirilən "IDEF-2011" X Beynəlxalq Müdafiə Sənayesi Sərgisində iştirak edəcək.
Dünyanın inkişaf etmiş ölkələrinin qabaqcıl şirkətləri ilə yanaşı, Azərbaycan MSN-in də qatıldığı sərgi sabah öz işinə başlayacaq və dörd gün davam edəcək.
Sərgidə MSN-in müəssisələrində istehsal edilən 89 adda müdafiə təyinatlı məhsul nümayiş etdiriləcək.