Azərbaycan, Bakı, 1 iyul /Trend, müxbir T.Cəfərov/
Azərbaycan, Türkiyə və İran parlamentlərinin rəhbərləri üçtərəfli görüş keçirəcəklər.
Bu barədə razılıq Azərbaycan və İran parlamentlərinin rəhbərləri Oqtay Əsədov və Əli Laricaninin görüşündə əldə olunub. Bu barədə cümə günü Trend-ə İranın Azərbaycandakı səfirliyinin mətbuat xidmətinin rəhbəri Abbas İsgəndəri deyib.
"Görüşdə tərəflər parlamentlərarası münasibətlərin gələcək inkişafında maraqlı olduqlarını bildiriblər, regional problemlərin region ölkələrinin maraqlarının təmini çərçivəsində həllinin vacibliyini qeyd ediblər", - İsgəndəri vurğulayıb.
Əli Laricani cümə axşamı Azərbaycana rəsmi səfərə gəlib.
Bundan əvvəl Azərbaycan, Türkiyə və İran xarici işlər nazirlərinin üçtərəfli görüşü olub.