Azərbaycan, Bakı, 7 oktyabr /Trend/
Oktyabrın 7-də Azərbaycan Prezidenti İlham Əliyev Türkiyə Respublikasının Baş naziri Rəcəb Tayyib Ərdoğana telefonla zəng edib.
Prezidentin Mətbuat Xidmətindən cümə günü Trend-ə verilən məlumata görə, dövlətimizin başçısı Rəcəb Tayyib Ərdoğanın anasının vəfatı ilə bağlı ona başsağlığı verib, Türkiyənin Baş nazirinə və onun ailəsinə Allahdan səbr diləyib.
Türkiyə Respublikasının Baş naziri Rəcəb Tayyib Ərdoğan göstərilən diqqətə və başsağlığına görə Azərbaycan Respublikasının Prezidentinə minnətdarlığını bildirib.