Azərbaycan, Bakı, 18 oktyabr /Trend, müxbirlər T.Cəfərov, A.Tağıyeva/
İranın xarici işlər naziri Əli Əkbər Salehi yaxın vaxtlarda Türkiyəyə səfər edəcək. İki ölkənin XİN rəhbərləri bu barədə telefon söhbəti zamanı razılığa gəliblər. Trend-in məlumatına görə, xəbəri İranın ISNА agentliyi yayıb.
Salehi və türkiyəli həmkarı Əhməd Davudoğlu telefon danışığı zamanı regionun problemləri, beynəlxalq məsələlər və ikitərəfli münasibətləri müzakirə ediblər. İkitərəfli münasibətlərin aktual məsələlərinin müzakirəsini davam etdirmək üçün İran XİN rəhbərinin yaxın vaxtlarda Türkiyəyə səfər etməsi barədə razılıq əldə olunub.