Azərbaycan, Bakı, 29 noyabr /Trend müxbir S. Ağayeva/
Milli Məclisin spikeri Oqtay Əsədov dekabrın 7-9-da Budapeştə səfəri zamanı qanunvericilik, siyasi və iqtisadi sahələrdə Azərbaycan-Macarıstan əməkdaşlığını müzakirə edəcək. Bu barədə çərşənbə axşamı Trend-ə Azərbaycanın Macarıstandakı səfiri Vilayət Quliyev deyib.
Səfər zamanı Əsədovun Macarıstan Prezidenti, Parlamentin spikeri və hökumətin Baş naziri ilə görüşləri planlaşdırılıb.
Milli Məclisin spikeri, həmçinin Azərbaycan-Macarıstan parlamentlərarası dostluq qrupunun üzvləri ilə görüşəcək.