Azərbaycan, Bakı, 12 mart /Trend, müxbir H.Vəliyev /
Türkmənistanın dövlət neft şirkətinin trekink naviqasiya sistemləri ilə təchizatı layihəsinin bu il başa çatacağı gözlənilir. Bu barədə bazar ertəsi Trend-ə Azərbaycanın "Sinam" şirkətindən məlumat verilib.
"Sinam" şirkətinin layihə üzrə tərəfdaşı qismində Azərbaycanın "Matrix" şirkəti çıxış edir.
Türkmənistanın dövlət neft şirkətinin trekink naviqasiya sistemləri ilə təchiz olunması üzrə müqavilə 2011-ci ilin ortalarında imzalanıb.
Layihə "Teltonika" avtomobil trekinq sisteminin tədarükünü nəzərdə tutur. Neft şirkətinin avtomobilləri və dispetçer sistemləri üçün baza stansiyaları bu sistemlə təchiz olunacaq.
Avtomobil trekerləri yük və ya minik avtomobilləri olmasından asılı olmayaraq, mobil obyektin olduğu yeri müəyyən etmək üçün nəzərdə tutulub.
GPS peykləri və "Teltonika" sistemi vasitəsilə siafrişçi nəqliyyat vasitələrinin monitorinqini keçirməyə, onların hərəkət marşrutlarını və sürətlərini, dayanacaq məntəqələrini rəqəmsal xəritələrdə izləmək imkanı əldə edəcək.
