Azərbaycan, Bakı, 21 iyun /Trend, müxbir M.Əliyev/
Azərbaycan-ABŞ münasibətlərinin daha da dinamik inkişaf etməsi üçün ölkədə səfirin mövcud olması zəruridir.
Trend-in məlumatına görə, bunu jurnalistlərlə ABŞ-ın Azərbaycanda səfir postuna Riçard Morninqstarın namizədliyi ilə bağlı sualı cavablandırarkən Azərbaycan Prezidenti Administrasiyasının Siyasi təhlil və informasiya təminatı şöbəsinin müdiri Elnur Aslanov deyib.
O bildirib ki, müəyyən bir dövr ərzində Azərbaycanda ABŞ səfirinin olmaması və indi yeni səfirin təyinatının reallaşmaq üzrə olması Azərbaycan-ABŞ münasibətlərinin daha da dinamik xarakter almasına, istər siyasi, istər iqtisadi, istərsə də digər sahələrdə əməkdaşlığın yeni mərhələyə keçməsinə zəmin yaratmış olacaq.