Azərbaycan, Bakı, 20 noyabr / Trend, müxbir A.Tağıyeva /
Türkiyə 2013-cü ildən ölkənin yerli hərbi avadanlıqların istehsalı proqramı çərçivəsində hərbi helikopterlərin seriyalı istehsalına başlayacaq. Bunu Türkiyənin Baş naziri Rəcəb Tayyib Ərdoğan bildirib. Trend-in məlumatına görə, bu barədə "TRT Haber" telekanalı xəbər verib.
Baş naziirn sözlərinə görə, Türkiyə bu proqram çərçivəsində hərbi gəmilərin istehsalına başlayıb və özəl sektor vasitəsilə HDQ-nin bütün gəmilərini istehsal etmək niyyətindədir.
"Bu gün Türkiyə ölkənin müdafiə sisteminin tələbatının 54 faizini təmin edir. Məqsədimiz yerli istehsal hesabına müdafiə məhsullarının tam təmin olunmasıdır", - Ərdoğan bildirib.
O qeyd edib ki, son illərdə Türkiyənin müdafiə sənayesinin ixracı dörd dəfə artıb. Türkiyə zirehli maşınlar, hava hücumundan müdafiə sistemləri, raket sistemləri, hərbi gəmilər və helikopterlər ixrac edir.