Vətəndaş müraciətlərinə baxılmasında əsas meyar ədalət prinsipidir

Vətəndaş müraciətlərinə baxılmasında əsas meyar ədalət prinsipidir

Azərbaycan, Bakı, 21 may /Trend/

Dövlətimizin başçısı İlham Əliyev yanvarın 15-də Nazirlər Kabinetinin 2012-ci ilin sosial-iqtisadi inkişafının yekunlarına həsr olunmuş iclasında, fevralın 12-də "Azərbaycan Respublikası regionlarının sosial-iqtisadi inkişafı Dövlət Proqramı"nın icrasının dördüncü ilinin yekunlarına həsr olunmuş konfransda, həmçinin 2013-cü il aprelin 14-də keçirilən, bu ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş iclasda vətəndaşları narahat edən problemlərə xüsusi diqqət yetirmiş, bəzi mənfi hallar barədə daha təsirli tədbirlər görülməsini tələb etmişdir. Bu, ictimaiyyət tərəfindən çox yaxşı qarşılanmış və vətəndaşların dövlət qurumlarına daxil olan müraciətlərində də öz əksini tapmışdır.

AzərTAc Azərbaycan Respublikası Prezidenti Administrasiyasının sənədlərlə və vətəndaşların müraciətləri ilə iş şöbəsinin müdiri Süleyman İsmayılovdan respublikada vətəndaşların müraciətlərinə baxılması vəziyyəti barədə ətraflı məlumat verməsini xahiş etmişdir. S.İsmayılov demişdir:

- İli ilindən, günü günündən uğurlu başlayan Azərbaycanın iqtisadi və sosial sahələrdə qazandığı nailiyyətlərin, uğurların miqyası durmadan genişlənir. Ölkənin iqtisadi və müdafiə qüdrəti, elmi-texniki inkişafı, bütün sahələrdə tərəqqisi onu regionun öncül dövlətləri sırasına çıxarmışdır. Ötən ili yeni yüksəliş pillələrində başa vuran respublikamız artıq bu ilin demək olar beş ayını arxada qoymuş, qısa müddət ərzində Azərbaycanın tarixinə maraqlı və yaddaqalan səhifələr yaza bilmişdir. Azərbaycan kosmik dövlətlər sırasına daxil olmuş, region ölkələri arasında birinci olaraq öz telekommunikasiya peykini kosmosa çıxarmış, artıq onu müstəqil idarə etməyə, həmçinin növbəti yeni peyklərin hazırlanması üçün sifariş verməyə başlamışdır. Azərbaycanda ən müasir texnologiyaların tətbiq olunduğu sənaye sahələrinin yaradılması, yeni müəssisələrin işə salınması davam edir.

Azərbaycan Prezidentinin tapşırıq və tövsiyələrinə uyğun olaraq görülən böyük quruculuq işləri vətəndaşların sosial vəziyyətinin yaxşılaşdırılmasına, onların qayğı və problemlərinin həllinə, cəmiyyətdə mənfi halların kökünün kəsilməsinə, vətəndaşların gündəlik tələblərinin yerinə yetirilməsinə şərait yaradır. Eyni zamanda, dövlət orqanlarında və idarələrində vətəndaş müraciətlərinə daha diqqətlə yanaşılması, dövlət məmurlarının onlara qayğısının artırılması, hər bir vətəndaşın dövlətin və cəmiyyətin mövcud imkanlarından daha yaxşı bəhrələnməsi təmin edilir.

Prezident Administrasiyasına daxil olan müraciətlərin təhlili göstərir ki, Azərbaycan vətəndaşları dövlətimizin başçısının yeritdiyi iqtisadi və sosial siyasəti ürəkdən bəyənir, insanlara qayğı göstərilməsi ilə bağlı dövlət məmurları qarşısında qoyduğu ciddi tələbləri tam dəstəkləyirlər.

Dövlətimizin başçısının qeyd etdiyi kimi: "Azərbaycanda iqtisadi islahatlar uğurla aparılır, davam etdirilir. İslahatlar artıq gözəl nəticələrə gətirib çıxarır və bu baxımdan 2013-cü il də keçən illərdən fərqlənmir... biz 2013-cü ildə keyfiyyətcə daha böyük nəticələr görəcəyik". Təbiidir ki, bu nəticələr, ilk növbədə, əhalinin güzəranında özünü göstərəcəkdir.

Azərbaycan Prezidenti İlham Əliyev özünün müəyyən etdiyi sosial siyasətin ardıcıl həyata keçirilməsinə həmişə böyük diqqət yetirmiş və yetirir. Prezidentin qeyd etdiyi kimi, bu il də maaşların, pensiyaların artırılması, müxtəlif sosial proqramların icrası, sosial infrastrukturun yaradılması, bütün bölgələrdə səhiyyə və təhsil müəssisələrinin, digər sosial obyektlərin tikintisi davam etdiriləcəkdir.

Prezident İlham Əliyev bütün çıxışlarında Azərbaycan dövlətinin yeritdiyi siyasətin mahiyyətindən bəhs edərkən onun mərkəzində insan amilinin, Azərbaycan vətəndaşının dayandığını böyük qürur hissi ilə qeyd edir, bunu respublikanın hər yerində həyata keçirilən geniş infrastruktur layihələri ilə və bilavasitə əhalinin sosial təminatının, maddi vəziyyətinin yaxşılaşdırılması üçün gördüyü tədbirlərlə təsdiq edir.

Azərbaycanın müstəqillik illərində, xüsusilə son 10 ildə qazandığı nailiyyətlər artıq dünyanın aparıcı ölkələrində belə heyrət doğurur və bu, ilk növbədə İlham Əliyev fenomeni ilə, onun yeni düşüncə tərzinə malik rəhbər olması ilə əlaqələndirilir. Bu baxımdan 2013-cü ilin aprelində Böyük Britaniyanın "The Buisness Year" jurnalının Prezident İlham Əliyevdən aldığı və öz səhifələrində geniş yer verdiyi müsahibədə göstərilən faktlar və rəqəmlər ibrətamizdir. Həmin müsahibədə son 10 ildə ölkəmizdə gedən böyük quruculuq işlərindən, tikilən yüzlərlə təhsil, mədəniyyət, idman qurğularından, qaçqın və məcburi köçkünlər üçün salınan onlarla müasir şəhərcikdən, əhalinin güzəranını yaxşılaşdırmaq üçün görülən tədbirlərdən, o cümlədən sovet dövründən qalan əmanətlərin qaytarılmasından, həmçinin yaxın dövrdə görüləcək böyük işlərdən söz açılır.

Ölkə rəhbərinin qeyd etdiyi kimi, respublikanın əsas inkişaf istiqamətlərindən biri də ən müasir avadanlıq və texnologiyaları gətirməklə, dünyanın inkişaf etmiş ölkələrində bütün sahələrdə mövcud olan müsbət təcrübədən istifadə etməklə Azərbaycanı sözün həqiqi mənasında ən müasir dövlətə çevirməkdir.

Bu baxımdan dövlətimizin başçısının məqsəd və vəzifələri hamıya aydındır və özü dəfələrlə bunu açıq şəkildə bildirmişdir. Azərbaycan Prezidenti dünyanın qabaqcıl təcrübəsinin bütün sahələrdə tətbiqini mühüm vəzifə kimi qarşıya qoyur, bunu hamıdan qətiyyətlə tələb edir, iqtisadi münasibətlərin inkişaf etdirilməsini, idarəetmədə müasir ödəmə sistemlərinin tətbiqini, vətəndaşların öz gündəlik problemlərini maneəsiz həll etməsini, onların dövlət orqanlarında bürokratiya və süründürməçilik halları ilə üzləşməməsini, cəmiyyətdəki mənfi halların aradan qaldırılmasını idarəetmənin vacib şərti hesab edir.

Ölkənin rəhbəri kimi fəaliyyətə başladığı ilk gündən cəmiyyətdə saflığın, təmizliyin və şəffaflığın təntənəsinə çalışan Prezident İlham Əliyev bu işdə bilavasitə vətəndaşların problemləri ilə əlaqədar olan, onlarla gündəlik ünsiyyətdə olan dövlət məmurlarının qarşısında ciddi vəzifələr qoyur və qəti surətdə tələb edir: "... dövlət məmurlarının məsuliyyəti də artmalıdır. Dövlət məmurları xalqa xidmət edir və etməlidirlər... Dövlət məmuru cəmiyyətdə hər bir vətəndaş üçün nümunə olmalıdır. Təvazökarlıq, saflıq və Vətənə xidmət nümunəsi. Dövlət məmurları seçilmiş insanlar olmalıdır. Onların həm peşəkarlığı, həm də mənəvi keyfiyyətləri yüksək səviyyədə olmalıdır. Məmur-vətəndaş münasibətləri hörmət əsasında qurulmalıdır".

Azərbaycan vətəndaşları gündəlik həyatda qarşılaşdıqları hər bir problemin həllində dövlət orqanlarının qayğı və diqqətindən bəhrələnir, onlar üçün yaradılmış həyat şəraitinin kifayət qədər yüksək olduğunu görür və hiss edirlər.

Ulu öndər Heydər Əliyevin müəyyən etdiyi və Prezident İlham Əliyevin uğurla həyata keçirdiyi neft strategiyasının, dərindən düşünülərək hazırlanmış çoxsaylı dövlət proqramlarının yerinə yetirilməsi nəticəsində Azərbaycanda əhalinin həyat şəraiti, gəlirləri xeyli yüksəlmişdir. İnsan inkişafı indeksinin orta illik artım tempinə görə MDB məkanında Azərbaycanın birinci yerə layiq görülməsi, "orta insan inkişafı" ölkələri qrupundan "yüksək insan inkişafı" qrupuna keçməsi uğurlu sosial-iqtisadi siyasətin göstəricisidir. BMT yanında İnkişaf və Artım Komissiyası son məruzəsində qeyd etmişdir ki, 1950-ci ildən sonra belə sürətli inkişafa 13 ölkə nail olub. Bu, Azərbaycanın böyük uğurudur. 2012-ci ilin sonunda Avropa İttifaqının maliyyələşdirdiyi "Avropa Qonşuluq Barometri" sorğusunda bildirilir ki, 1000 respondentdən 92 faizi Azərbaycan hökumətinə inanır.

Bu gün hər bir Azərbaycan vətəndaşı Azərbaycan Konstitusiyasında təsbit olunmuş hüquqlarından istifadə edə və yaşadığı kəndin, rayonun, şəhərin problemlərini müvafiq dövlət orqanları qarşısında qaldıra bilir.

Hər gün Prezident Administrasiyasına vətəndaşlardan daxil olan müraciətlərdə qaldırılan məsələlərin həlli üçün müvafiq qanunvericiliyə uyğun olaraq müxtəlif araşdırma, nəzarət və təhlil formalarından istifadə olunur, vətəndaşların Prezident Administrasiyasında keçirilən şəxsi qəbullarında onları narahat edən problemlərin operativ həlli üçün əlaqədar dövlət orqanları və təşkilatlar qarşısında məsələ qaldırılır. Bu işdə müraciətlərə nəzarətlə baxılması və belə müraciətlərlə əlaqədar görülən tədbirlər xüsusi qeyd olunmalıdır.

Prezident Administrasiyasında bilavasitə nəzarət qaydasında baxılmış müraciətlərin sayı bu il daha da artmış, onların bir çoxu müsbət həll olunmuş, qalanları barədə müvafiq izahat verilmiş, qaldırılan bir sıra məsələlərin həlli növbəti illərin inkişaf planlarına salınmışdır. Məhz vətəndaşların əsaslı müraciətlərinin araşdırılması nəticəsində təkcə bu ilin əvvəlindən ayrı-ayrı vəzifəli şəxslər barəsində inzibati tənbeh tədbirləri tətbiq edilmiş, bəziləri işdən kənarlaşdırılmışdır.

Azərbaycan vətəndaşlarının Prezident Administrasiyasına göndərdikləri müraciətlərin ərizə, şikayət və təklif olmasından asılı olmayaraq onların hamısını birləşdirən bir fikir var ki, bu, bütün müraciətlərin içərisindən qırmızı xətt kimi keçir: "Mən Prezidentə çox inanıram və onun siyasətini dəstəkləyirəm". Bunu əks etdirən yüzlərlə nümunə göstərmək olar.

Vətəndaşlar Prezident Administrasiyasına göndərdikləri çoxsaylı müraciətlərində onların problemlərinin həll olunmasına, göstərilən qayğı və diqqətə görə minnətdarlıq hisslərini ifadə etməyi özlərinə borc bilirlər. Təkcə bu ilin əvvəlindən bilavasitə problemlərinin həlli ilə əlaqədar vətəndaşlardan yüzlərlə təşəkkür məktubu daxil olmuşdur. Vətəndaşlarımız bu müraciətlərində respublikanın əldə etdiyi nailiyyətləri yüksək qiymətləndirirlər.

Prezident Administrasiyasına müraciət edən hər bir Azərbaycan vətəndaşı çox gözəl bilir ki, burada hər bir müraciət diqqətlə araşdırılır, qaldırılan problemlərin həlli üçün tədbirlər görülür. Eyni zamanda, müraciətlərə baxılmasının yaxşılaşdırılması üçün lazımi yeniliklər həyata keçirilir.

İndi elə bir dövr gəlib çatmışdır ki, dövlət strukturları ilə əhali arasında əlaqələr get-gedə sadələşir, bu işdə informasiya və kommunikasiya texnologiyalarının inkişafı böyük rol oynayır. Əhalinin böyük əksəriyyətinin müasir kommunikasiya vasitələrindən, o cümlədən internetdən istifadəsinin adi hal aldığı indiki şəraitdə hakimiyyətlə vətəndaşların qarşılıqlı münasibətlərinin sadələşdirilməsi davam etdirilir. Artıq öz telekommunikasiya peykinə sahib olan Azərbaycan bu istiqamətdə işləri daha da sürətləndirir və bütün dünyanı bürüyən internet şəbəkəsi sistemində hakimiyyətin xalqla interaktiv qarşılıqlı əlaqələrini inkişaf etdirir.

Vətəndaşlarla əlaqələrin təkmilləşdirilməsi üçün tətbiq olunan yeniliklərdən bəzilərini qeyd etmək yerinə düşərdi. Keçən ilin sonlarından başlayaraq hazırlanıb tətbiq edilmiş yeni proqram əsasında Azərbaycanda vətəndaşların elektron qəbula yazılması təmin edilmişdir. Artıq vətəndaşlar Bakıya gəlmədən Prezident Administrasiyasının struktur bölmələri rəhbərlərinin qəbuluna yazıla bilirlər. Bunun üçün onlar yaşadıqları şəhər və rayondan Prezidentin rəsmi saytı vasitəsilə istədikləri vəzifəli şəxsin qəbuluna yazılır və təsdiq edilmiş cədvələ uyğun olaraq qəbula gəlirlər. Bu ilin əvvəlindən yüzlərlə vətəndaş məhz elektron formada qəbula yazılmaq üçün müraciət etmiş, bir çoxu qəbula yazılmış, yaxud kimə və haraya müraciət etməli olduqları barədə onlara elektron izahat verilmişdir. Eyni zamanda, Prezidentin rəsmi saytının "Vətəndaşların müraciətləri" xanası müntəzəm olaraq təkmilləşdirilir, bu barədə vətəndaşlara vaxtaşırı məlumatlar verilir. Vətəndaşların sayt vasitəsilə müraciət etməsi üçün imkanların genişləndirilməsi sahəsində müntəzəm iş aparılır. Bunu da xüsusi qeyd etmək lazımdır ki, artıq bir sıra mərkəzi icra hakimiyyəti orqanları vətəndaşların birbaşa videoqəbulunu təşkil etməkdədirlər.

Prezident Administrasiyasında əvvəlki illərdə olduğu kimi, bu il də mərkəzi və yerli icra hakimiyyəti orqanlarında vətəndaşların müraciətlərinə baxılması vəziyyəti barədə məlumatlar hərtərəfli təhlil edilir, bu məsələyə harada və nə dərəcədə məsuliyyətlə yanaşıldığı, yaxud diqqətsizlik göstərildiyi öyrənilir, təhlillər nəticəsində əldə olunmuş məlumatlar əsasında müvafiq tövsiyə və təkliflər verilir, görüləcək tədbirlər dəqiqləşdirilir.

2012-ci ilin müvafiq dövrü ilə müqayisədə bu ilin əvvəlindən indiyədək Prezident Administrasiyasına daxil olan müraciətlərin mövzular üzrə təhlili göstərir ki, ayrı-ayrı mövzular, o cümlədən dövlət qulluğuna qəbul, mənzil, tikinti, məhkəmə və hüquq mühafizə orqanlarının fəaliyyəti, ipoteka kreditlərinin verilməsi ilə bağlı müraciətlərin sayı artsa da, şəhər və rayon icra hakimiyyətlərinin, o cümlədən onların nümayəndələrinin fəaliyyəti, özəlləşdirmə, ekologiya, sosial müdafiə, qaçqınlarla və məcburi köçkünlərlə bağlı məsələlər, məişət və su təchizatı məsələləri üzrə müraciətlərin sayı azalmışdır. Vətəndaşların qəbulu ilə bağlı müraciətlərdə qəbulların bəzən birinci şəxslərin özlərinin aparmadığı, ayrı-ayrı idarələrdə müraciətlərə vaxtında cavab verilmədiyi, qəbul zamanı verilmiş vədlərin heç də həmişə yerinə yetirilmədiyi göstərilir və belə halların aradan qaldırılması xahiş edilir. Müraciətlərin növlərinə gəldikdə isə qeyd etməliyik ki, ötən ilin müvafiq dövrü ilə müqayisədə şikayətlərin faiz nisbəti azalmışdır.

Vətəndaşların problemlərinin daha yaxından öyrənilməsi və bilavasitə yerlərdə müvafiq tədbirlər görülməsi məqsədilə Azərbaycan Prezidentinin tapşırıq və tövsiyələrinə uyğun olaraq respublikanın mərkəzi icra hakimiyyəti orqanları və digər dövlət qurumları rəhbərlərinin yerlərdə səyyar qəbullar keçirmələri vətəndaşlar tərəfindən böyük rəğbətlə qarşılanır və Prezident tərəfindən vətəndaşlara göstərilən birbaşa qayğı və diqqət kimi qiymətləndirilir.

Təkcə aprel ayında respublikanın 20 mərkəzi icra hakimiyyəti orqanının rəhbərləri tərəfindən müxtəlif regionlarda 60 şəhər və rayonu əhatə edən qəbullarda 2 min nəfərə yaxın vətəndaş qəbul edilmiş, onların qaldırdıqları məsələlərin əksəriyyəti nəzarətə götürülmüş, əsaslı müraciətlər müsbət həll olunmuş, qalanları barədə isə lazımi tədbirlər görülür. Bu qəbulların əsas məqsədi yerlərdə əhali ilə birbaşa ünsiyyət yaradılması, real vəziyyətin öyrənilməsi və mümkün olan hər bir məsələnin operativ həll edilməsidir.

Hər bir qəbulda vətəndaşların diqqət və qayğı ilə dinlənilməsi, problemlərin nə dərəcədə əsaslı olub-olmadığının öyrənilməsi, həlli mümkün olan məsələlər barədə dərhal lazımi göstərişlər verilməsi artıq qaydaya çevrilmiş və bu iş ardıcıl olaraq davam etdirilir. Belə qəbullar hər bir rayon və şəhər icra hakimiyyətinin başçısı, həmçinin mərkəzi icra hakimiyyəti orqanları və digər dövlət qurumlarının rəhbərləri tərəfindən müntəzəm olaraq bundan sonra da keçiriləcək, ölkə əhalisini narahat edən məsələlər öz həllini tapacaqdır.

Azərbaycan dövlətinin başçısı İlham Əliyevin şəhər və rayonlarımızda aparılan böyük quruculuq işləri ilə yerində tanış olmaq, həmçinin insanlarla görüşmək üçün regionlara səfərləri, yeni istifadəyə verilən müxtəlif obyektlərin açılışında iştirak etməsi, bu işlərin daha sürətlə aparılması üçün əlavə vəsait ayırması bu il də davam etmiş, Prezidentin 36 sərəncamı ilə onun ehtiyat fondundan və dövlət büdcəsindən 146 milyon manatdan artıq vəsait ayırmışdır. Təkcə Mingəçevir şəhəri ilə əlaqədar 4 sərəncam verilmişdir ki, bu da şəhər sakinlərinin çoxsaylı minnətdarlıq məktublarında öz əksini tapmışdır.

Azərbaycan Respublikasının Prezidenti İlham Əliyev mütəmadi olaraq vətəndaşların rəy və təkliflərini özü də öyrənir, ilk növbədə, bütün məsələlərdə ədalətli qərarlar qəbul olunmasını ön plana çəkir. Azərbaycan Prezidenti bu il aprelin 14-də keçirilmiş iclasda bildirmişdir: "Cəmiyyətdə sosial ədalət prinsipləri tam şəkildə tətbiq edilməlidir. Bunu bizim əsas Qanunumuz - Konstitusiya tələb edir və ümumi normal davranış elə olmalıdır ki, sosial ədalət prinsipləri pozulmasın. Çünki deyə bilərəm ki, insanları narahat edən ən böyük məsələ ədalətsizlikdir, həyatda da, siyasətdə də, hər bir sahədə də. Ona görə də ədalət, sosial ədalət olmalıdır və bütün qərarlar ədalətli olmalıdır. Əgər qərar ədalətlidirsə, əgər hətta kiminsə xoşuna gəlmirsə, ədalətli olduğu üçün bu qərarla barışırlar. Əgər qərar ədalətsizdirsə, əgər belə demək mümkündürsə, bundan böyük ədalətsizlik ola bilməz".

Azərbaycan Prezidenti həmin iclasda respublikada bu il görüləcək mühüm işlər sırasında bilavasitə əhalini daha çox düşündürən və narahat edən məsələlərin də həll olunacağını inamla bildirmişdir. Bunlardan ən başlıcası şəhər və kəndlərimizin, xüsusilə Bakı şəhərinin qazla təchizatının daha da yaxşılaşdırılması, Bakıətrafı qəsəbələrin inkişaf proqramının başa çatdırılması, kənd yollarının, qəsəbədaxili və qəsəbələrarası yolların tikintisinə diqqət yetirilməsi, qaçqınların və məcburi köçkünlərin problemlərinin həllinə daha çox vəsait ayrılması, əhalinin rahatlığı üçün "ASAN xidmət" qurumunun fəaliyyətinin genişləndirilməsi, bu sahədə səyyar xidmətlər təşkil edilməklə respublikanın daha geniş ərazisinin əhatə olunması, kənd təsərrüfatının inkişafının sürətləndirilməsi, bununla da ölkənin etibarlı ərzaq təhlükəsizliyinin təmin edilməsi, əhalinin sağlamlığını yaxşılaşdırmaq məqsədilə yeni idman obyektlərinin tikilib istifadəyə verilməsi, turizm və kurort işinin inkişafının təmin edilməsi və sair vəzifələrdir.

Ümidvarıq ki, bu vəzifələr hər bir dövlət hakimiyyəti orqanı tərəfindən ardıcıl yerinə yetiriləcək, o cümlədən vətəndaşların problemləri daha dərindən öyrənilərək həll ediləcək, çoxsaylı məmur ordusu vətəndaşlara daha çox diqqət və qayğı göstərəcəkdir.

Samsung Galaxy Z Fold3 və Z Flip3 satışları bütün rekordları qıraraq, inanılmaz nəticələr göstərib (FOTO)
Samsung Galaxy Z Fold3 və Z Flip3 satışları bütün rekordları qıraraq, inanılmaz nəticələr göstərib (FOTO)
"Apple" üçüncü nəsil simsiz qulaqlıqlarını təqdim edib
"Apple" üçüncü nəsil simsiz qulaqlıqlarını təqdim edib
"Apple" şirkəti yenilənmiş MacBook Pro noutbukunu təqdim edib
"Apple" şirkəti yenilənmiş MacBook Pro noutbukunu təqdim edib
Loading Bars
Xəbər lenti
Çempionlar Liqası: "Mançester Siti" "Brügge"ni, "Sportinq" "Beşiktaş"ı darmadağın etdi
Fuad Qəhrəmanlının qızına təcavüzdə təqsirləndirilən şəxs saxlanıldı
Səfir Vaqif Sadıqov etimadnaməsini Belçikanın Kralına təqdim edib
Həkimlər Saakaşvilini xəstəxanaya yerləşdirməyi tövsiyə ediblər
Ermənistana təhvil verilən erməni hərbçilərin adları məlum oldu
Macarıstanla qarşılıqlı əməkdaşlıq əlaqələrinin perspektivləri müzakirə olunub
Qarabağın dark turizm potensialı: erməni barbarlığını dünya daha yaxından görəcək
BVF Azərbaycanda qeyri-neft ÜDM üzrə proqnozu yüksəldib
Azərbaycanda statistik məlumatların istehsalı üzrə beynəlxalq modelin tətbiqi planlaşdırılır
TAP qaz qiymətlərinin artımının qarşısını qismən alır
Azərbaycanda minik avtomobillərinin istehsalı artıb
İranın Astara gömrüyü üzərindən tranziti azalmayıb, əksinə, 300 faiz artıb - İranlı rəsmi
Energetika naziri 2-ci “Kəmər və Yol Energetika Nazirləri Konfransı”nda çıxış edib
BVF 2021-ci ildə Azərbaycanda ÜDM-nin 20 faizdən çox artımını proqnozlaşdırır
Mingəçevir Dövlət Universitetinin tələbəsinin təşəbbüsü ilə “Qəlb gözü” layihəsi reallaşdırılıb (FOTO)
Bakı-Tbilisi-Ərzurum qaz kəməri ilə ixrac 45 faizdən çox artıb
Bakıda ötən ay təkrar mənzil bazarında qiymətlər ucuzlaşıb
Prezident İlham Əliyev Xorvatiyanın xarici və Avropa işləri üzrə nazirini qəbul edib (VİDEO)
Azərbaycan 5 erməni hərbçini Ermənistana qaytardı
Jurnalist Elnur Əşrəfoğlu koronavirusdan vəfat etdi
Məhərrəm Əliyev: Qalib Azərbaycan Silahlı Qüvvələri bundan sonra da xalqımızın, dövlətimizin və Müzəffər Ali Baş Komandanımızın etimadını şərəflə doğruldacaq (MÜSAHİBƏ)
Zakir Həsənov yeni yaradılan komando hərbi hissəsində olub (FOTO/VİDEO)
Bakıda daha bir orta məktəb distant tədrisə keçib
Prezident İlham Əliyev Rəcəb Tayyib Ərdoğana başsağlığı verib
BTC ilə nəql olunan neftin həcmi açıqlanıb
Sanitar və fitosanitar tədbirlərin gücləndirilməsi məqsədilə vebinar keçirilib
Azərbaycan Dillər Universitetində “Özbək dili günü”nə həsr olunan konfrans keçirilib (FOTO)
Azərbaycandan 100 assistent Türkiyədə tədris-tədqiqat proqramında iştirak edəcək
Azərbaycanla Slovakiya arasında saziş imzalandı, Birgə İşçi Qrup yaradılacaq (FOTO)
Rusiyaya bir sıra bitkiçilik məhsullarının ixracında artım müşahidə olunub - AQTA
Bakıda anası tərəfindən dayəyə verilən azyaşlı sığınacağa yerləşdirilib
Azərbaycan, Rusiya və Ermənistan İşçi Qrupunun iclası - “Əsas məsələ”də MÜZAKİRƏ (FOTO/VİDEO)
“PAŞA Bank”dan 250 000 AZN-dək girovsuz biznes kreditlərini banka gəlmədən onlayn əldə edin!
Gürcüstanın Baş naziri Əli Əsədovu təbrik edib
Azərbaycan hasilat sənayesində şəffaflığın təmin olunması üzrə bütün beynəlxalq səyləri dəstəkləyir - Nazir
Oktyabrın 20-nə USD/AZN rəsmi məzənnəsi
Türk lirəsi ucuzlaşsa da Bakıda satılan Türkiyə malları niyə ucuzlaşmır?
Qanunsuz balıq ovlayanlar saxlanılıb
Prezident İlham Əliyevin səfərləri göstərir ki, “Böyük Qayıdış” üçün bütün potensial imkanlar səfərbər olunub - Vüqar Rəhimzadə
“Mədəniyyət” telekanalına yeni rəhbər təyin olunub
Bakıda yaşayış binasında yanğın olub
Bakıda koronavirusa görə bağça bağlandı
Rezidenturaya boş qalan yerlərə qəbulun nəticələri açıqlanıb
Metronun "Koroğlu" stansiyasında koronavirus xəstəsi saxlanılıb
Neftçalada qardaşını qətlə yetirən şəxsin işi məhkəməyə göndərildi
Azərbaycanda COVID-19 əleyhinə peyvənd olunanların sayı açıqlanıb
Azərbaycanda 2 102 nəfər koronavirusa yoluxub, 15 nəfər vəfat edib
AccessBank tender elan edir
Yelo Bank “Qan ver, həyat bəxş et” aksiyasını keçirdi
BVF Azərbaycanda inflyasiya ilə bağlı proqnozlarını açıqlayıb
Nüfuzlu sığorta şirkətinə qarşı mediada qarayaxma kampaniyasına başlanılıb
Azad olunmuş ərazilərdə yaradılacaq milli parkların yerləri müəyyənləşib
Azərbaycan Beynəlxalq Ədalət Məhkəməsində Ermənistana qarşı tələblərini səsləndirib
Ələtdə Vətən müharibəsi şəhidi Abdullayev Balazadənin anım mərasimi keçirilib (FOTO)
İctimai nəqliyyatda gediş haqqının bahalaşması ilə bağlı müraciət etməmişik - BNA
Milli Məclisin mümayəndə heyəti Yunanıstana gedir
TDƏŞ-ə üzv ölkələrin dövlət orqanları arasında Anlaşma Memorandumu təsdiqləndi
Məhərrəm Əliyev “Şöhrət” ordeni ilə təltif edildi
BMT rəsmisi aclıqla mübarizə üçün İlon Maskdan 6 milyard dollar istədi
Hirkan Milli Parkında "Təbiətin keşiyində" adlı eko-skaut düşərgəsi keçirilib (FOTO)
Xalqımızın hər bir nümayəndəsi Vətən müharibəsində qələbəyə öz töhfəsini verdi – Deputat
Sumqayıtda narkotik alverçisi olan qadın və daha 11 nəfər saxlanıldı (FOTO/VİDEO)
Valeh Ələsgərov 1-ci dərəcəli “Vətənə xidmətə görə” ordeni ilə təltif edilib
Macarıstan şirkətləri Qarabağın yenidənqurulması ilə bağlı EXPO-da iştirak edəcəklər
Teatr direktoru mənimsəməyə görə işdən çıxarılıb - Nazirlik
“Yüksəliş” müsabiqəsinin qalibləri üçün mentorluq proqramına start verilir
İranda koronavirusa yoluxanların sayı 5,8 milyonu keçib
Ata Abdullayev məhkəmədə ağladı
Samsung Galaxy Z Fold3 və Z Flip3 satışları bütün rekordları qıraraq, inanılmaz nəticələr göstərib (FOTO)
Minneapolisdə körpü Azərbaycan bayrağının rəngləri ilə işıqlandırılıb (FOTO)
Vəzifəli şəxslərdən pul tələb edənlərin işi məhkəməyə göndərildi
Rusiya Dövlət Dumasında 10-dan çox deputat koronavirusa yoluxub
Qanunsuz işləyən baytarlıq aptekinin rəhbəri məsuliyyətə cəlb olunub
Azərbaycanda reklam bazarının mövcud vəziyyəti müzakirə edilib (FOTO)
Mingəçevir Dövlət Universiteti şəhid məzun Kənan Abdullayevi anıb (FOTO)
Gədəbəy və Şamaxıya dolu yağıb - Faktiki hava
Slovakiya Azərbaycanla münasibətlərin dərinləşməsində maraqlıdır - Nazir
Sahibkarların kredit faizlərinin 62 milyon manata yaxını dövlət tərəfindən ödənilib
Azərbaycan azad edilən ərazilərinin bərpası ilə yanaşı, yeni imkanları da nəzərdən keçirir - Nazir
Meyxanaçı Cavid Sumqayıtlının siyasi qafiyələrə görə həbs olunması ilə bağlı iddialar yalandır - DİN
Elan saytlarında kirayə ev axtaranları belə aldadırlar
Məktəblər bağlanır? - Nazirlikdən AÇIQLAMA
“BBC World News” telekanalında “Azərbaycanı kəşf et – gələcəyə gedən yol” adlı videoçarx yayımlanır (FOTO/VİDEO)
Distant təhsil problemin həlli yolu ola bilməz - Naqif Həmzəyev
Yaxın vaxtlarda Slovakiyadan Azərbaycana minatəmizləmə maşınları gətiriləcək
Azərbaycan Ermənistanla münasibətlərin normallaşdırılmasının tərəfdarıdır - Nazir
Azərbaycanla Slovakiya arasında iqtisadi əməkdaşlıq haqqında sazişin imzalanması nəzərdə tutulur
Sabahdan Bakıda bal yarmarkası başlayır
Müəlliflik hüququ ilə qorunan məhsullara nəzarət markalarının tətbiqi üzrə tədbirlər davam edir
Azərbaycan və Slovakiya XİN rəhbərləri mətbuat konfransı keçirib (FOTO/VİDEO)
Azərbaycanın İrandan Rusiyaya ixraca mane olduğu barədə məlumatlar doğru deyil - DGK
Millət vəkili Sevil Mikayılova Xaçmazda şəhid ailələri ilə görüşüb (FOTO)
Mingəçevir Dövlət Universiteti “Tələbə Mediası” layihəsində təmsil olunur (FOTO)
Azərbaycan və Slovakiya XİN rəhbərlərinin geniştərkibli görüşü keçirilib (FOTO) (ƏLAVƏ OLUNUB)
Rüşvət almaqda təqsirləndirilən 72 yaşlı şirkət rəhbərinə 9 il cəza verildi
Rusiyada koronavirusdan ölənlərin sayı 225 mini ötüb
Azərbaycanda QİÇS xəstələrinin sayı açıqlanıb
Bakıda daha bir qanunsuz tikinti dayandırılıb (FOTO/VİDEO)
Sabah yağış yağacaq, külək əsəcək
İl ərzində qeydə alınan nikah və boşanmaların sayı açıqlanıb
Bütün xəbərlər