Azərbaycan, Bakı, 23 may /Trend, müxbir A.Tağıyeva/
Türkiyənin Baş naziri Rəcəb Tayyib Ərdoğan sentyabrın 5-də Rusiyaya rəsmi səfər edəcək. Bu barədə Trend "TRT Haber" telekanalına istinadən məlumat verir.
Ərdoğanın səfərinin məqsədi sentyabrın 5-6-da Sankt- Peterburqda keçiriləcək G-20-nin ("Böyük İyirmilik") sammitində iştirak etməkdir.
Avstraliya, Argentina, Braziliya, Böyük Britaniya, Almaniya, Aİ, Hindistan, İndoneziya, İtaliya, Kanada, Çin, Meksika, Rusiya, Səudiyyə Ərəbistanı, ABŞ, Türkiyə, Fransa, CAR, Koreya Respublikası, Yaponiya G-20-yə daxildir.