Azərbaycan, Bakı, 26 avqust /Trend/
Azərbaycan Respublikasının Prezidenti İlham Əliyev Moldovanın dövlət başçısı Nikolaye Timoftini Müstəqillik Günü münasibətilə təbrik edib.
Təbrik məktubunda deyilir:"Sizi və dost Moldova xalqını milli bayram - Müstəqillik Günü münasibətilə ürəkdən təbrik edirəm.
Əminəm ki, xalqlarımız arasında tarixən yaranmış mehriban dostluq münasibətləri bundan sonra da Azərbaycan-Moldova əməkdaşlığının və qarşılıqlı əlaqələrin hərtərəfli inkişafı üçün etibarlı təməl olacaqdır".
Sonda dövlət başçısı moldovalı həmkarına möhkəm cansağlığı, xoşbəxtlik və uğurlar, Moldova xalqına sülh və firavanlıq arzuladığını ifadə edib.