Azərbaycan, Bakı, 23 sentyabr /Trend/
Türkiyədə Beşiktaş-Qalatasaray matçının uzatma dəqiqələrində qarşıdurma baş verib. Trend-in "Anadolu" agentliyinə istinadən verdiyi məlumata görə, Qalatasarayın 2-1 hesabı ilə üstün olduğu oyunun davam etdiyi vaxtda 90+2-ci dəqiqəsində Felipe Melonun qızmızı kart alması tribunalardakı azarkeşləri hərəkətə gətirib.
Müdafiə kartonu arxasındakı bir qrup "qara-ağ"lar futbol meydançasına daxil olublar. Onlar "Hər yer Taksim, hər yer dirəniş" deyə çağırışlar edərək əllərindəki oturacaqları mühafizə dəstələrinə atıblar.
Bundan sonra mühafizə dəstələri qarşıdurmanın qarşısını almaq üçün fəaliyyətə başlayıblar.