Azərbaycan, Bakı, 26 sentyabr /Trend/
Azərbaycan, Gürcüstan və Türkiyə hərbi qulluqçularının iştirakı ilə komanda-qərargah təlimi keçirilir.
Müdafiə Nazirliyinin mətbuat xidmətindən Trend-ə verilən məlumata görə, sentyabrın 23-dən başlayaraq Azərbaycan Respublikası Silahlı Qüvvələrinin Hərbi Akademiyasının Simulyasiya Mərkəzində Azərbaycan, Gürcüstan və Türkiyə hərbi qulluqçularının iştirakı ilə "ETERNITY 2013" kompüter dəstəkli komanda-qərargah təlimi keçirilir.
Tədbirdə Azərbaycan Respublikası Müdafiə Nazirliyinin idarə rəisləri, NATO-nun Cənubi Qafqaz üzrə əlaqələndirici zabiti, Amerika Birləşmiş Ştatlarının hərbi dəniz, Türkiyə və Gürcüstan Silahlı Qüvvələrinin hərbi attaşeləri iştirak ediblər.