Azərbaycan, Bakı, 2 noyabr /Trend/
Azərbaycan deputatları Tacikistanda prezident seçkilərini müşahidə edəcəklər.
Milli Məclisin mətbuat xidmətindən Trend-ə verilən məlumata görə, Azərbaycanın millət vəkilləri Aydın Mirzəzadə və Azər Badamov MDB Parlament Assambleyasının və qurumun İcraiyyə Komitəsinin xətti ilə ölkədə keçirilən prezident seçkilərini müşahidə etmək üçün noyabrın 4-dən 8-dək Tacikistana səfər edəcəklər.
Deputatlarımız ölkənin paytaxtı Düşənbə şəhərindəki bir sıra seçki məntəqələrində olacaq, vətəndaşların səsvermə hüquqlarının təmin olunması, demokratik seçki texnologiyalarının tətbiqi və beynəlxalq müşahidəçilərin fəaliyyəti ilə maraqlanacaqlar.