...

Müsavat Partiyası Milli Şuranı tərk etməsi ilə bağlı rəsmi bəyanat yayıb

Siyasət Materials 7 Yanvar 2014 14:31 (UTC +04:00)
Trend-ə daxil olan bəyanadta qeyd olunur ki, Müsavat Partiyası Azərbaycanda fəaliyyət göstərən real siyasi qüvvələrlə müttəfiqlik və əməkdaşlıq müqavilələri bağlamaq, onlarla birgə yeni siyasi şəraitə uyğun olaraq həm Milli Şura daxilində, həm Milli Şuradan kənarda funksional əməkdaşlığın səmərəli yollarını birgə müzakirə etmək təklifini irəli sürdü.
Müsavat Partiyası Milli Şuranı tərk etməsi ilə bağlı rəsmi bəyanat yayıb

Azərbaycan, Bakı, 7 yanvar /Trend, müxbir E.Mehdiyev/

Müsavat Partiyası Milli Şuranı tərk etməsi ilə bağlı rəsmi bəyanat yayıb.

Trend-ə daxil olan bəyanadta qeyd olunur ki, Müsavat Partiyası Azərbaycanda fəaliyyət göstərən real siyasi qüvvələrlə müttəfiqlik və əməkdaşlıq müqavilələri bağlamaq, onlarla birgə yeni siyasi şəraitə uyğun olaraq həm Milli Şura daxilində, həm Milli Şuradan kənarda funksional əməkdaşlığın səmərəli yollarını birgə müzakirə etmək təklifini irəli sürdü.

Müsavat Partiyasının bu xoşməramlı təklifinə bəzi siyasi qüvvələrin adekvat olmayan reaksiyası, müttəfiqlik münasibətlərinin qurulmasından imtina edilməsi, əksinə mütəffiqlik təklif etdiyimiz bəzi qüvvələr tərəfindən Müsavat Partiyasına qarşı böhtan və təhqir kampaniyasına start verilməsi partiya strukturlarında böyük təəssüf və narahatçılıqla qarşılanıb.

Müsavat Partiyasının Divanı yuxarıda qeyd olunanları nəzərə alaraq, prezident seçkiləri ilində və prezident seçkiləri ilə əlaqədar yaradılan Milli Şuranın bundan sonrakı fəalliyətində Müsavat Partiyasi üzvlərinin iştirakını məqsədəuyğun saymır. Müsavat Partiyası Milli Şurada fəaliyyət göstərən qüvvələrə uğurlar arzulayır və onlarla həm ikitərəfli, həm çoxtərəfli funksional əməkdaşlığa hazır olduğunu bəyan edir.

Məqalədə:
Xəbər lenti

Xəbər lenti