Azərbaycan, Bakı, 14 may /Trend/
Azərbaycan Prezidenti İlham Əliyev "Su təsərrüfatı və meliorasiya işçiləri günü" peşə bayramının təsis edilməsi haqqında sərəncam imzalayıb.
Sərəncamda qeyd olunur ki, hər il iyun ayının 5-i "Su təsərrüfatı və meliorasiya işçiləri günü" peşə bayramı kimi qeyd edilsin.
Dövlət başçısının digər sərəncamı ilə "Su təsərrüfatı və meliorasiya işçiləri günü" peşə bayramının təsis edilməsi ilə əlaqədar, "Meliorator günü" peşə bayramının təsis edilməsi haqqında" Azərbaycan Respublikası Prezidentinin 2007-ci il 24 may tarixli 2199 nömrəli sərəncamı ləğv edilib.