Moskvada Xəzər məsələləri üzrə Azərbaycan-Rusiya ikitərəfli məsləhətləşmələrinin növbəti mərhələsi keçiriləcək

Azərbaycan, Bakı, 19 may /Trend, müxbir S.Ağayeva/

Mayın 19-20-də Moskva şəhərində Xəzər məsələləri üzrə Azərbaycan-Rusiya ikitərəfli məsləhətləşmələrinin növbəti mərhələsi keçiriləcək.

Azərbaycan Xarici İşlər Nazirliyinin mətbuat xidmətindən Trend-ə bildiriblər ki, məsləhətləşmələrdə Azərbaycan tərəfindən xarici işlər nazirinin müavini Xələf Xələfov, Rusiya Federasiyası tərəfindən isə Rusiya Federasiyası Prezidentinin dövlət sərhədlərinin delimitasiya və demarkasiya üzrə xüsusi nümayəndəsi, Xəzər dənizinin hüquqi statusu üzrə çoxtərəfli danışıqlarda Rusiya nümayəndə heyətinin rəhbəri İqor Bratçikovun iştirakı nəzərdə tutulub.