...

Bakıda Bolqarıstanın ticarət missiyası açılacaq

Siyasət Materials 28 Avqust 2015 00:30 (UTC +04:00)
Bolqarıstan Azərbaycanda ticarət missiyası yaradır.
Bakıda Bolqarıstanın ticarət missiyası açılacaq

Trend-i buradan izləyin

Azərbaycan, Bakı, 28 avqust /Trend, müxbir Səba Ağayeva/

Bolqarıstan Azərbaycanda ticarət missiyası yaradır. İki ölkə arasında iqtisadi əməkdaşlığa təkan vermək üçün Bolqarıstan hökuməti Bakıda ticarət və sənaye palatası açmaq niyyətindədir. Bu barədə Trend-ə Azərbaycanın Bolqarıstandakı səfiri Emil Kərimov deyib.

Səfir bildirib ki, Bolqarıstan kənd təsərrüfatı, yüngül sənaye, turizm və başqa əhəmiyyətli sahələr üzrə əməkdaşlıqda Azərbaycanı tərəfdaş kimi nəzərdən keçirir: "Bu gün Azərbaycan və Bolqarıstanın qarşılıqlı investisiyaları aşağı səviyyədədir. Bolqarıstan investorlarının Azərbaycanla əməkdaşlığa və əksinə, azərbaycanlı investorların Bolqarıstanda biznes fəaliyyətinə cəlb etməyə çalışırıq. Tikinti, infrastruktur və əczaçılıq da perspektivli sahələr hesab olunur".

Diplomat qeyd edib ki, iqtisadi əlaqələrin inkişaf imkanları ticarət-iqtisadi əməkdaşlıq üzrə hökumətlərarası komissiyaların ilin sonunadək Bakıda keçiriləcək dördüncü iclası zamanı müzakirə ediləcək.

Bundan başqa, Bolqarıstan tərəfi İqtisadiyyat və Sənaye naziri Şahin Mustafayevin rəhbərliyi ilə Azərbaycan hökumətinin nümayəndə heyətini Sofiyaya dəvət etmək və heyəti ölkənin iqtisadi imkanları ilə tanış etmək niyyətindədir.

Məqalədə:
Xəbər lenti

Xəbər lenti