Azərbaycan, Bakı, 20 oktyabr /Trend, müxbir Səba Ağayeva/
Azərbaycan Latın Amerikası ölkələri, o cümlədən də Kosta-Rika ilə münasibətlərə olduqca böyük önəm verir. Trend-in məlumatına görə, bunu Azərbaycanın xarici işlər naziri Elmar Məmmədyarov kosta-rikalı həmkarı Manuel Qonsales Sansla danışıqların yekunu üzrə keçirilən mətbuat konfransında deyib.
Onun sözlərinə görə, bu, Kosta-Rika XİN rəhbərinin Azərbaycana ilk səfəridir: "Biz ikitərəfli əməkdaşlığın bütün spektrini, eləcə də beynəlxalq arenada qarşıqlı əlaqələri müzakirə etdik".
E.Məmmədyarov qeyd edib ki, XİN rəhbərlərinin müzakirə etdiyi məsələlər arasında vizasız rejim və turizm sahəsində əməkdaşlıq məsələləri də olub.