Bakı. Anaxanım Hidayətova - Trend:
ABŞ prezidentliyinə namizəd Hillari Klinton beynəlxalq siyasətdə, xüsusilə Xəzər regionunda böyük təcrübəyə malikdir.
Bu barədə Trend-ə "Qafqaz və Xəzər regionunun araşdırılması üzrə Berlin Avropa İnstitutu"nun sədri Matias Dornfelt deyib.
Onun sözlərinə görə, Klintonun siyasətdə daha çox təcrübəsi var, çünki o, birinci xanım, eləcə də 2009-2013-cu illərdə dövlət katibi olub: "Lakin Donald Trampın siyasətinin istiqamətini qabaqcadan söyləmək kifayət qədər çətindir. O, Cənubi Qafqazla bağlı hər şeydən uzaqdır".