Bakı. Trend:
Milli Məclisin Mətbuat xidməti Oqtay Əsədovun səhhəti ilə bağlı yayılan məlumatları təkzib edib.
Mətbuat xidmətindən Trend-ə verilən məlumatda deyilir:
"Fevralın 9-da “Turan” informasiya agentliyi xəbər verib ki, guya Milli Məclisin Sədri Oqtay Əsədov günün ikinci yarısında infarkt diaqnozu ilə Mərkəzi Klinik Xəstəxanaya yerləşdirilib.
Milli Məclisin Mətbuat xidməti bildirir ki, bu xəbər həqiqətə uyğun deyil. Milli Məclisin Sədri Oqtay Əsədovun səhhətində hər hansı bir problem yoxdur".