...

Azərbaycan HDQ zabitləri Türkiyədəki təcrübə kursunu uğurla başa vurublar

Siyasət Materials 24 Oktyabr 2021 16:24 (UTC +04:00)
Azərbaycan HDQ zabitləri Türkiyədəki təcrübə kursunu uğurla başa vurublar

Bakı. Trend:

Azərbaycan Hərbi Akademiyasının Hərbi Dənizçilik fakültəsini bitirən leytenantlar 27 sentyabr - 22 oktyabr 2021-ci il tarixlərində Türkiyədə keçirilən Hərbi Dəniz Qüvvələrinin freqatlarında hərbi dəniz təcrübə kursunu başa vurublar.

Trend xəbər verir ki, bu barədə Türkiyənin Milli Müdafiə Nazirliyinin Twitter hesabında məlumat verilib.

Qeyd edək ki, Türkiyədə kursda iştirak edən Azərbaycan hərbi dənizçilərinin buraxılış mərasimi oktyabrın 20-də keçirilib.

Amfibiya Missiyası Qrupu Komandanlığında keçirilən kurslar sentyabrın 20-dən oktyabrın 15-dək davam edib. Kursu bitirənlərə Türkiyə Hərbi Dəniz Qüvvələri Komandanlığı tərəfindən sertifikat verilib.

Məqalədə:
Xəbər lenti

Xəbər lenti