Bakı. Trend:
Yunanıstan İsveç və Finlandiyanın NATO-ya daxil olmasını alqışlamağa hazırdır və hesab edir ki, onların alyans üçün təklif edəcəyi çox şey var.
Trend xarici KİV-ə istinadla xəbər verir ki, bu barədə Yunanıstanın xarici işlər naziri Nikos Dendias Berlində NATO xarici işlər nazirlərinin qeyri-rəsmi görüşündə deyib.
Onun sözlərinə görə, Yunanıstanın bu iki ölkə ilə həmişə çox gözəl münasibətləri olub.
"Onlar həm də Avropa Birliyinin üzvləridir. Beləliklə, Yunanıstan tərəfinin çox aydın mövqeyi var: biz İsveç və Finlandiyanın NATO ailəsinə daxil olmasını alqışlamağa hazırıq", - XİN başçısı bildirib.