Bakı. Trend:
Müdafiə naziri, general-polkovnik Zakir Həsənov revanşist qüvvələrin mümkün təxribatlarının qarşısını almağa hər an hazır olmaq barədə müvafiq tapşırıqlar verib.
Trend-in məlumatına görə, nazir bunu bu gün keçirilən müşavirədə bildirib.
Müşavirədə, həmçinin Azərbaycan-Ermənistan dövlət sərhədindəki
və Qarabağ iqtisadi zonasındakı əməliyyat şəraiti geniş təhlil
edilib, bölmələrin maddi-texniki və döyüş təminatının
gücləndirilməsi, hərbi qulluqçuların xidməti-döyüş fəaliyyətinin
təkmilləşdirilməsi, həmçinin şəxsi heyətin sayıqlığının artırılması
barədə konkret tapşırıqlar verilib.
Müdafiə naziri yeni yaradılan əməliyyat (komando) hərbi
hissələrinin fəaliyyətini, eləcə də onların komplektləşməsinin
uğurla icra olunduğunu müsbət qiymətləndirib.
General-polkovnik Z. Həsənov komandoların döyüş hazırlığına xüsusi diqqət yetirilməsi barədə müvafiq göstərişlər verib.