Bakı. Trend:
Türkmənistanın Azərbaycandakı səfiri Şuşa şəhərinə səfər edib.
Trend bu barədə səfirliyə istinadən məlumat verir.
Qeyd olunur ki, avqustun 21-də Türkmənistanın yeni təyin olunmuş səfiri Qurbanmammet Elyasov Azərbaycanın mədəniyyət paytaxtı və 2023-cü il türk dünyasının paytaxtı Şuşaya birinci səfərini yerinə yetirib. Səfiri orada Azərbaycan Prezidentinin Şuşadakı xüsusi nümayəndəsi Aydın Kərimov qəbul edib.
Səfir şəhərin tarixi guşələri ilə tanış olub, ona Şuşada keçirilən bərpa işləri barədə məlumat verilib.