Bakı. Trend:
Türkiyə Liviyada uzunmüddətli sülh və sabitliyin tərəfdarıdır.
Trend xəbər verir ki, bunu Türkiyənin xarici işlər naziri Mövlud Çavuşoğlu Tripolidə liviyalı həmkarı Nəclə Manquşla birgə mətbuat konfransında deyib.
“Liviyada atəşkəs razılaşması uzunmüddətli sülh üçün yer açmalıdır. Siyasi həllin yolu dialoqdan keçir”, - Çavuşoğlu vurğulayıb.
O qeyd edib ki, Türkiyə Liviyada ümumi seçkilərin keçirilməsi səylərinə mümkün töhfə verməyə hazırdır.