Bakı. Trend:
ABŞ dövlət katibi Entoni Blinkenlə Türkiyənin xarici işlər naziri Hakan Fidan arasında telefon danışığı olub.
Trend-in Türkiyə KİV-ə istinadən məlumatına görə, E.Blinken türkiyəli həmkarını yeni vəzifəsi münasibətilə təbrik edib.
Görüşdə İsveçin NATO-ya üzvlüyü, Türkiyə-Ermənistan və Azərbaycan-Ermənistan arasında normallaşma prosesləri, F-16-ların alınması və modernləşdirilməsi, Ukrayna taxıl sazişi müzakirə edilib.
Hər iki nazir iki ölkə arasında ümumi aktual məsələləri müzakirə etmək üçün mümkün qədər tez bir zamanda yenidən görüşməyə hazır olduqlarını vurğulayıblar.