Bakı. Trend:
Prezident İlham Əliyevi Azərbaycanda keçirilən prezident seçkilərində inamlı qələbəsi münasibətilə təbrik edirik.
Trend-in məlumatına görə, bu barədə "X" sosial şəbəkəsində Pakistan Prezidenti Arif Alvi yazıb.
"Pakistan davamlı dostluğumuzu və əməkdaşlığımızı gücləndirməyi səbirsizliklə gözləyir. Uğurlarınızın davamlı olmasını arzu edirik!", - deyə o bildirib.
Qeyd edək ki, Azərbaycanda keçirilən Prezident seçkilərində bülletenlərin 54,47 faizinin hesablanmasından sonra İlham Əliyev 92,1 faiz səslə liderdir.
ABŞ-ın “Oracle Advisory Group” təşkilatının Vətəndaşların Əmək Hüquqlarının Müdafiəsi Liqası ilə birgə keçirdiyi “exit-poll”un nəticələrinə əsasən, seçicilərin 93,9 faizi İlham Əliyevə səs verib.
“Sosioloji Araşdırmalar Mərkəzi” MMC-nin məlumatına görə, seçicilərin 92,4 faizi İlham Əliyevə səs verib.
“Rəy” Monitorinq Mərkəzinin keçirdiyi “exit-poll”un nəticələrinə görə, seçicilərin 92,6 faizi İlham Əliyevə səs verib.
Müstəqil Azərbaycanın tarixində ilk dəfə seçkilər ölkənin bütün ərazisini, o cümlədən işğaldan azad edilmiş torpaqları əhatə edib. İşğaldan azad edilmiş ərazilərdə 26 seçki məntəqəsi yaradılıb.