Belqrad. Trend:
Qarşımda əsl dövlət xadimi və lider görürəm.
Trend-in məlumatına görə, bunu Serbiya Prezidenti Aleksandr Vuçiç Belqradda rəsmi səfərdə olan Azərbaycan Prezidenti İlham Əliyevlə birgə mətbuata açıqlamasında bildirib.
"Mən Azərbaycan xalqına, şəxsən Sizə möhtərəm cənab Prezident, böyük ehtiramımı ifadə etmək istəyirəm. Həmçinin Serbiya xalqı qarşısında və əlbəttə, Azərbaycan xalqı qarşısında söyləmək istəyirəm ki, hər dəfə Sizinlə danışanda çox şey öyrənirəm, bir çox məsələləri təcrübəli dövlət xadimi, həqiqi liderin fərqli baxış bucağından müşahidə etməyə müvəffəq oluram. Buna görə hər zaman öz biliyinizi mənimlə paylaşdığınıza, mənim ölkəmin, rəhbərlik etdiyim ölkənin çox yaxşı mətləblər öyrənməli olduğu bizimlə belə əlaqələr qurduğunuza görə Sizə təşəkkür edirəm", - deyə Vuçiç bildirib.