...

16 NAMİZƏD SEÇKİ KOMİSSİYALARINDAN İMZA VƏRƏQƏLƏRİ GÖTÜRÜB

Siyasət Materials 14 İyul 2005 20:11 (UTC +04:00)

İyulun 14-də olan məlumata əsasən, artıq 16 namizəd dairə seçki komissiyalarından (DSK) imza vərəqələrini götürmüşdür. Bu haqda Mərkəzi Seçki Komissiyasının (MSK) mətbuat xidmətinin rəhbəri Azər Sarıyev Trend ə müsahibəsində bildirmişdir.

Onun sözlərinə görə, namizədlərin müraciət etdiyi seçki dairələrinin ikisi Bakı şəhərində , qalanları isə respublikanın digər şəhər və rayonlarında yerləşir.

"Hələlik imza vərəqələrini götürmüş namizədlər arasında siyasi partiya liderlərinin adları yoxdur. Amma bununla belə, DSK-lara müraciət edənlər arasında tananmış şəxslər, o cümlədən keçmiş millət vəkili Əlövsət Ağalarov(Kəlbəcər seçki dairəsi) və məşhur "91-lər"dən olan Aydın Heydərov(Binəqədi seçki dairəsi) də vardır",-deyə Azər Sarıyev bildirmişdir.

Siyasi partiyalar arasında seçki bloklarının yaradılması prosesinin sürətləndiyini xatırladan MSK-nın mətbuat katibi, daha sonra, yaxın zamanlarda imza vərəqələri almaq üçün DSK-lara müraciət edənlərin arasında siyasi partiya liderlərinin üstünlük təşkil etməsinin gözlənildiyini bildirmişdir.

Xəbər lenti

Xəbər lenti