"Bu yaxınlarda Azərbaycan Kommunist Partiyasının (AKP) nümayəndə heyəti Rusiya Kommunist Partiyasının (RKP) rəhbərləri ilə görüşü gözlənilir" Bu barədə Trend ə AKP sədrinin birinci müavini, millət vəkili Rauf Qurbanov bildirib.
AKP nümayəndə heyətinin Rusiyaya səfərinin məqsədini açıqlayan R.Qurbanov bildirib ki, əsas məqsəd Rusiya kommunistləri ilə seçkilərlə bağlı təcrübə mübadiləsi aparmaq olacaq: "Biz digər məsələləri də müzakirə edəcəyik, ölkəmizdəki ictimai-siyasi durum, partiyalar arası əlaqələr də gündəmdə olacaq".
Azərbaycan kommunistlərinin Rusiyaya dəvətin RKP-nin sədri Gennadi Züqanov tərəfindən edildiyini qeyd edən R.Qurbanov onu da bildirib ki, seçki öncəsi işlərinin çox olması ilə əlaqədar görüş təxirə də salına bilər: "Onlar özləri təşəbbüs qaldırıblar ki, Azərbaycanda keçiriləcək seçkiləri izləmək üçün Bakıya gəlsinlər".
R.Qurbanov MDB məkanına daxil olan Ukrayna və Belorusiya kommunistlərinin də seçkiləri izləmək üçün Azərbaycana dəvət olunduğunu qeyd edib.
