Azərbaycan hakimiyyəti müxalifət ilə dialoqun davam etdirilməsində maraqlı deyil. Trend bildirir ki, sentyabrın 29-da bu barədə ATƏT-in Bakı ofisinin rəhbəri, səfir Maurisio Pavesi hakimiyyət nümayəndələrinin ATƏT-in təşəbbüs göstərdiyi müxalifət ilə görüşə gəlməməsini şərh edərkən bəyan edib.
"Azərbaycan hakimiyyət nümayəndələrinin müxalifət ilə dialoqa gəlməməsi mənim üçün sürpriz oldu, belə ki, hələ səhər prezidentin İcra aparatının ictimai-siyasi şöbəsinin müdiri Əli Həsənov mənimlə söhbətində görüşdə özünün iştirak edəcəyini təsdiq etmişdi"- deyə diplomat bildirib və qeyd edib ki, hazırkı görüşün konstruktiv dialoq forması qəbul edəcəyi ehtimal olunurdu.
"Konkret müzakirə mövzuları işlənib-hazırlanmışdı.Kompromis üçün imkan var idi"-deyə ofis rəhbəri bildirib.
Bununla yanaşı Pavessi qeyd edib ki, öz yardımını davam etdirəcək və mürəkkəb vəziyyətdən çıxış üçün mümkün olan hər bir şeyi edəcək.
Hakimiyyət nümayəndələrinin Finlandiya prezidenti Tarya Halonenin Bakıya gəlməsi ilə əlaqədar olaraq keçirilən tədbirlərlə bağlı gəlməməsini şərh edərkən diplomat Finlandiya prezidentinin səfər proqramı ilə tanış olmadığına baxmayaraq onların iştirakının vacibliyini qeyd edib.
Müxalifətin təklif etdiyi aksiya marşrutları üzrə mövqeyini bildirən diplomat deyib ki, " mitinqlərin keçirilməsi üçün minimum iki marşrut tamamilə məqbuldur".
