"Demokratik Qüvvələr Konqresinin (DQK) 2006-cı ilin ilk aylarında konfransı keçiriləcək". Bu barədə Trend ə DQK-nin yaradılmasında təşəbbüs göstərən Azərbaycan Naminə Hərəkatın İcra Aparatının rəhbəri Taleh Əliyev bildirib.
Qeyd edək ki, DQK-ni yaratmaqda məqsəd Azərbaycanda fəaliyyət göstərən bütün demokratik qüvvələri bu qurumda birləşdirməkdir.
T.Əliyev onu da bildirib ki, artıq bu istiqamətdə bir sıra partiya rəhbərləri ilə danışıqlar aparılır: "İlkin razılıqlar da əldə olunub. Ancaq proses davam etdiyindən dəqiq məlumat söyləyə bilməyəcəyəm. Çox güman ki, danışıqların ilkin mərhələsi dekabrın sonlarında başa çatdırılsın".
DQK-nın gələcək strukturu barədə danışan T.Əliyev qeyd edib ki, bu, təsis konfransında müəyyənləşdiriləcək.