Trend" in xəbər verdiyi kimi, artıq bir neçə gündür ki, Naxçıvanda dumanlı hava şəraiti hökm sürür. Bu səbəbdən də Naxçıvan hava limanında uçuşlar dayandırılıb. Artıq 3 gündür təyyarələrə bilet satışı saxlanılıb. Dünən Naxçıvan Muxtar Respublikasının rəhbərliyi ilə İran İslam Respublikası arasında danışıqlar olub. Danışıqlar nəticəsində Naxçıvandan Bakıya avtobusların hərəkətinə dair razılıq əldə edilib və artıq bu gün saat 13.00-da 50 nəfər sərnişin 3 avtobusla yola düşüb.
Sabah daha 3 ədəd avtobusun yola düşəcəyi gözlənilir. Bu işi Naxçıvan rəhbərliyinin göstərişi ilə Nəqliyyat nazirliyi yerinə yetirir. Hələlik Bakı qeydiyyatında olan sərnişinlər yola salınıb. NMR rəhbərliyinin təşəbbüsü ilə təyyaralərə alınan biletlər geri qaytarılıb və sərnişinlər avtobusla pulsuz yola salınıb.
