Tehranda Xəzəryanı dövlətlərin sammiti 2006-cı ilin martında keçirilə bilər. Trend in İTAR-TASS agentliyinə istinadən xəbər verdiyi kimi, bu barədə İran parlamentinin sədri Qolyaməli Həddad Adel Federasiya Şurasının sədri Sergey Mironovla görüşün yekunları üzrə bəyan edib. O bildirib ki, konkret tarix hələ razılaşdırılmalıdır.
Parlament spikeri onu da vurğulayıb ki, Xəzərin statusu "Xəzəryanı dövlətlərin ədalətli maraqlarını gözləməklə müəyyən edilə bilər".