Fevralın 5-də axsam saat 15 radələrində Xanlar rayonunun Qızılqaya qəsəbəsinin sakinləri etiraz aksiyası keçirib. Ərazidə yaşayan vətəndaşlar başqa sözlə enerji çatışmamazlığından əziyyət çəkənlər Gəncə-Xanlar magistral yolunu kəsməyə məcbur olublar. Təxminən 1 saata yaxın müddətdə yolda avtomobillərin hərəkəti dayandırılıb. Hadisə yerinə ilk olaraq Xanlar rayon polis idarəsinin əməkdaşları gəlib. Bundan sonra magistral yolda avtomobillərin hərəkətinin bərpa olunmasına nail olunub. Sakinlərin sözlərinə görə, ərazidə elektrik sayğaclarının quraşdırılmasına baxmayaraq gün ərzində cəmi 2-3 saat işıq verilir. Bundan təngə gələnlər şikayətlərini aidiyyatı orqanların rəhbərlərinə çatdırmaq məqsədilə bu addımı atıblar. Və onlar az da olsa istədiklərinə nail oldular. Vətəndaşların şikayəti ilə maraqlanmağa Xanlar rayon icra hakimiyyəti başçısının müavini Xəzər Aslanov gəlib. Onun Trend bürosuna verdiyi məlumata görə, sözü gedən ərazi Daşkəsən rayonuna məxsusdur. Elektrik enerjisini isə bu qəsəbəyə Gəncə Elektrik şəbəkəsi verir. Lakin bütün bunlara baxmayaraq Xəzər Aslanov vətəndaşların problemlərini araşdıracağını və onun həllinə çalışacağına söz verib.
...