Trend in Strasburqdakı müxbirinin xəbər verdiyi kimi, aprelin 11-də öz işinə komitələrin iclası ilə başlamış Avropa Şurası Parlament Assambleyası yaz sessiyasının ikinci gününün gündəliyinə Avropa Komissiyasının sədri Joze Manuel Barrozunun çıxışı, Lüksemburqun baş naziri J-K.Yunkerin, Rumıniyanın baş naziri K.Popesku-Teriçanunun və AŞ Nazirlər Komitəsinin fəaliyyətdə olan sədrinin təmsilçisi, AB şurasınının sədri, Avstriya federal kansleri V.Şüsselin iştirakı ilə Avropa Şurası və Avropa Birliyi arasındakı əlaqələrlə bağlı məsələlərin müzakirəsi daxil edilib.
Azərbaycan nümayəndə heyətinin üzvləri AŞPA alt komitələrinin iclaslarında iştirak edir.
Bugünkü sessiya çərçivəsində "Yaxın Şərqdə vəziyyət", "AŞ-yə üzv dövlətlərin ordularında insan hüquqları", həmçinin "Məhbusların sosial reinteqrasiyası" kimi sənədlərin müzakirəsi nəzərdə tutulur.
Azərbaycanlı parlamentarilərin "AŞ-yə üzv dövlətlərin ordularında insan hüquqları" ilə bağlı çıxılar edəcəyi nəzərdə tutulur.