Aprelin 20-də Azərbaycana təkrar parlament seçkilərində istifadə olunması üçün mürəkkəb balonları gətirilib. Bu barədə Trend ə Mərkəzi Seçki Komissiyasının (MSK) beynəlxalq əlaqələr şöbəsinin müdiri Rövzət Qasımov məlumat verib.
Ölkəyə mürəkkəb balonları ABŞ-dan gətirilib. Mürəkkəbin gətirilməsi Seçki Sistemləri üzrə Beynəlxalq Fondun - İFES-in maliyyə dəstəyi ilə baş tutub. Qeyd edək ki, 13 mayda Azərbaycanda 10 dairə üzrə keçiriləcək tərkar parlament seçkilərində ötən ilki seçkidə olduğu kimi, səsvermə günü seçicilərin barmaqlarına gözəgörünməz şəffaf mürəkkəb vurulacaq. Bu prosedur seçkidə qanunsuzluğun, bir seçicinin təkrarən səs verməsinin qarşısının alınması məqsədilə tətbiq edilir. MSK tərəfindən ABŞ-a 900 ədəd kiçik balonlarda mürəkkəb sifariş olunmuşdu.