Mayın 29-da Brüssel şəhərində Avropada azərbaycanlı tələbələrin forumu keçiriləcək. Bu barədə Trend ə "İRƏLİ" Ümumrespublika Gənclər Hərəkatından bildiriblər.
Toplantıda adıçəkilən hərəkatın həmtəsisçisi, beynəlxalq əlaqələr və Dağlıq Qarabağ Departamentinin rəhbəri Röya Talıbova iştirak edəcək. R.Talıbovanın forumda çıxışı planlaşdırılıb. Forumda 50-yə yaxın iştirakçı və 20 qonaq iştirak edəcək. O da bildirilib ki, tədbirdə Avropada təhsil alan azərbaycanlı tələbələr, eyni zamanda bir sıra diasporların nümayəndələri də forumda iştirak edəcəklər.